لماذا تغلق بعض الشركات بعد وفاه صاحبها ؟؟ وما الحل لأستمرار تلك الشركات ؟؟وكيف تؤسس مشروع ناجح من البداية... إليك تلك النصائح
ملحوظة هذا المقال باللهجة العامية المصرية .
الخطوة الاولى :
استقلالية الشركة
كتير من أصحاب الشركات مش مقدرين قيمة اللى فى ايديهم و بيعاملوا شركاتهم على أنها سبوبة بيجيبوا منها قرشين طول ما فيهم نفس، و ده الغلط بعينه"
الشركة يا سادة كيان مستقل بذاته أنتم كرواد أعمال بتبقوا جزء منه بعد كده و لكم مناصب تنفيذية و حصة من الشركة على عكس ما بيحصل فى مصر أن صاحب الشركة هو المدير والكل فى الكل ومفيش ١٥ جنيه على بعض بيتصرفوا أو بيدخلوا الشركة بدون علمه.
الشركة يا سادة كيان مستقل بذاته أنتم كرواد أعمال بتبقوا جزء منه بعد كده و لكم مناصب تنفيذية و حصة من الشركة على عكس ما بيحصل فى مصر أن صاحب الشركة هو المدير والكل فى الكل ومفيش ١٥ جنيه على بعض بيتصرفوا أو بيدخلوا الشركة بدون علمه.
الخطوة الثانية :
الارباح و تقييم الشركة
أما عن الأرباح فهى مش كل حاجة قد ما هى البنزين اللى بيمشى الدنيا وبتكون عامل مهم فى تقييم الشركة وحساب ال NPV من ضمن عوامل تانية زى قيمة العلامة التجارية والأصول وحجم التعاملات والتكنولوجيا بفرض انهم طوروا حاجة وعدد المستخدمين وإمكانية الإستفادة منهم لو الشركة عبارة عن تطبيق.
وبالتالى لما شركة تتباع على أنها أجهزة ومكاتب يبقى ده تهريج أو سوء تصرف يوصل لمستوى تبديد فلوس الناس حتى لو صاحب القرار هو صاحب الشركة أو أهله بعد وفاته ومش معنى انهم راضيين عن ضياع حقهم باديهم يبقى عادى.
وبالتالى لما شركة تتباع على أنها أجهزة ومكاتب يبقى ده تهريج أو سوء تصرف يوصل لمستوى تبديد فلوس الناس حتى لو صاحب القرار هو صاحب الشركة أو أهله بعد وفاته ومش معنى انهم راضيين عن ضياع حقهم باديهم يبقى عادى.
الخطوة الثالثة :
Built to Last
طيب و بعدين ؟ هنفضل كده ؟ فى شوية حاجات ممكن تتعمل علشان تحل المشكلة دى، بس الأول اصحاب الشركات يقروا كتاب صغير اسمه Built to Last عبارة عن نتيجة ٦ سنين من الابحاث على شركات ال Fortune500 طلع منهم ١٨ شركة اتبنت على رؤية كملت بأجيال من المديرين التنفيذيين ومنتجات متعددة خدت دورة عمرها كاملة على مر السنين والكتاب بيقدم نصائح كويسة فى الاستمرارية أحسنلكم تقروها وتنفذوها.
الخطوة الرابعة :
ضم شريك
متبدأش شركة لوحدك أنت مش سوبر مان شاطر تكنكال و بتفهم فى البيزنس و ادارته بشكل استراتيجى و فى نفس الوقت بياع و محاسب و اوفيس بوى، شوف حد يشاركك حلمك و الأحسن يكون حلمه هو كمان و اشتغلوا مع بعض و ده مش هيمنع انك تشتغل كل حاجة من اللى فوق دول بس على الأقل القفة أم ودنين يشيلوها اتنين.
الخطوة الخامسة :
هدف و رؤية للشركة
شركتك دى لما تبدأها لازم يكون لها هدف ورؤية وكل ما الهدف ده يكون مربوط بربنا كل ما هتتوفق وهتتحدى نفسك قبل الناس علشان فى ثواب انت عاوز توصل له وده هيخليك قبل كل خطوة تحسب إذا كانت هتقربك من الهدف ده فتتوكل على الله وتخطيها أو بتبعدك أو على الأقل مش بتقربك فتسيبك وتشوف غيرها.
الخطوة السادسة :
تداول سلمى للسلطة فى الشركة
خلى فى طريقة لتداول سلمى للسلطة فى الشركة smile emoticon مش بألش والله لان الموقف لا يحتمل أصلا، بس زى ما بتعمل مع ال team leader (وفعليا) كل واحد فى الشركة بيكون له بديل فى حالة غيابه أو تركه للشغل لازم يبقى لك بديل وتكون موفر له توثيق لكل حاجة اتعملت وخطط تطوير الشركة فى مكان ما يروحله لما تقابل ربنا بعد عمر طويل مليان انجازات وقيم ضفتها للبشرية ترجو بيها رحمة ربنا.
الخطوة السابعة :
اعرف قيمة شركتك وقيمة الارباح السنوية
اعرف قيمة شركتك وأن الأرباح السنوية بتاعتك دى عاملة زى إيجار بتاخده من شقتك الملك لكن هى نفسها تمنها بيزيد، وبالتالى انت محتاج تفهم finance وتعرف ازاى الشركات بتتقدر علشان حتى لو بعتها وانت عايش أو كنت عاوز تكبرها ميجيلكش مستثمر أو واحد معاه قرشين يفكر أنه هيشتريك انت وشركتك بشوية ملاليم، وعلشان تحافظ على فلوس أهلك من بعدك، ولما روحك ترجع لخالقها أهلك ميبيعوش حلمك وشقاك على أنه شوية أجهزة متجيبلهمش تمن كام يوم شغل لو الشركة كملت.
الخطوة الثامنة :
الشركه لابد ان تستمر
و أظن منتوش محتاجين حد يقولكم أن شركاتكم لازم تكمل علشان ميبقاش الموت حاجز قدام هدفك أنه يتحقق و يغير من الحتة الصغيرة اللى على قدك واخترت أنها تكون مساهمتك فى تقدم البشرية، وعلشان ثواب شغلك يفضل يجيلك لحد يوم الدين، وعلشان أهلك يدعولك أنك سبتهم مرتاحين مش بيعانوا من بعدك خصوصا لو كنت بتصرف كل فلوسك وقبلها وقتك على الشغل.. مش هيبقى وأنت عايش ولما تموت كمان .
