لماذا نعد خطة عمل للمشروع وما هى انواعها ؟؟
تسجيل الدخول تسجيل

الدخول الى حسابك

اسم المستخدم *
كلمة المرور *
تذكرني

إنشاء حساب جديد

الحقول ذات العلامة (*) مطلوبة
الاسم *
اسم المستخدم *
كلمة المرور *
تأكيد كلمة المرور *
البريد الاليكترونى *
تأكيد البريد الاليكترونى *

الموسوعة المعرفية العربية - نسخة تجريبية

لماذا نعد خطة عمل للمشروع وما هى انواعها ؟؟

1

خطة العمل شىء هام جدا ,سنعرف اهميتها وكيف هى ليست بسيطة ولا صعبة وكيف يغفل الكثيرون عنها ,وكيف أن كل شخص منا قام بعمل خطة عمل دون ان يدرى بسب ظروف مشروعة ,فى هذا المقال سوف نعرض كيفية اعداد خطة عمل بشكل منظم ,لا تتوقع منى انا اقول لا بأن 1+1=2 لأن خطة العمل تختلف من شخص إلى اخر ومن مشروع إلى اخر ,وكما يقول المثل الشهير علمنى كيف اصطاد خيرا من أن تعطينى سمكة ,سيكون المقال بالغة العامية لأن المغزى هو الفهم .

الجزء الاول

لماذا نقوم باعداد خطة العمل ؟؟

الخطوة الاولى :

ماهى خطة العمل

تصف وتحلل المشروع
طيب احنا ممكن نعرف يعنى ايه Business plan الأول؟
ال Business Plan هى التي تصف وتحلل المشروع وتعطى توقعات مفصلة عن مستقبل هذا المشروع ( وخدوا بالكم من مفصلة دي ) بل تغطى الجوانب المالية لبداية أو التوسع في مشروع ما ( كم يحتاج المشروع ليبدأ وكيف سيرد المشروع المبلغ المستثمر أو ما يسمى" العائد على الاستثمار أو ال ROI " ) .
طيب ليه بعمل ال Business plan وإيه لازمتها ؟

الخطوة الثانية :

استقطاب المستثمرين

عن طريق خطة العمل
ها تساعدك في استقطاب المستثمرين لتنفيذ فكرتك أو مساعدتك في توسيع مشروعك .... زى ما قولنا

الخطوة الثالثة :

قرار الاستمرار فى المشروع ام التوقف

هذا يتم من خلال خطة العمل
ها تساعدك تحدد وتاخد قرارك توقف المشروع ولا تكمل .... لأنها هاتبينلك إزاى مشروعك هايكسب ومنين وهاتبينلك قوة أو ضعف المبدأ اللى قام عليه مشروعك ( هاشرحلكم يعنى ايه مبدأ المشروع فى النقطة الجاية على طول ) وإنت كصاحب مشروع فانت أهم واحد فيه ولازم تكون مقتنع بقوة فكرتك فتكمل أو مش مقتنع فتقف ... هو فى حد بيضحك على نفسه ويحط فلوس فى حاجة هو مش مقتنع بيها وعارف انها هاتخسر ؟ طبعًا لأ بس اللى بيعمل كده ما بيبقاش عارف .. ال Business Plan بقى بتوضحلك فبتشوف الصورة أوضح وبتقدر تاخد قرارك بدرى وتوفر على نفسك وعلى المستثمرين أو الشركاء الخسارة.
ومن الجدير بالذكر إن ناس كتير من أصحاب المشاريع الناجحة سبب نجاحهم كان اتخاذ القرارات الصحيحة فى وقت مبكر .

الخطوة الرابعة :

تحسين وتطوير مبدأ العمل

خطة العمل تساعدك فى تطوير مبدأ العمل
هاتساعدك فى تحسين وتطوير مبدأ العمل .... اللى هو إيه ده بقى ؟ شوف يا سيدى انا هاشرحلك على طول بمثال ... حضرتك عندك مكتب استيراد كنت بتستورد منتج ما برخص التراب من السودان لأن الجنيه المصرى بشوال جنيهات سودانى تمام كده ؟ ... وتيجى تبيع المنتج فى مصر بنفس سعر المنتج المشابه المصنع محليًا فى مصر فكده حضرتك كسبان أكتر من اللى بيصنع المنتج المحلى لأن فرق العملة فى صالحك بالاضافة للسعر المتدنى للمنتج فى السودان ... طب بعد ما بقى الجنيه السودانى ب 3 جنيه مصرى فى القفزة الاقتصادية اللى حققها البترول هناك ؟ أكيد مش هاتقدر تجيب المنتج بما يعادل 3 جنيه من هناك وتبيعه بسعر المنتج المحلى حتى لو كان سعر المنتج هناك أقل فاختلاف سعر صرف العملة قضى على أى مكسب ... ساعتها هاتطور مبدأ العمل اللى هو استيراد المنتج الى تصديره لأن المنتج المحلى لو بيتباع هناك بنفس السعر بردو هاتكسب بسبب فرق العملة ... وهنا إنت طورت المبدأ اللى قايم عليه مشروعك من استيراد لتصدير أو ممكن تفضل زى مانت تستورد نفس المنتج بس من بلد تانية مع اختلاف نسبة الربح ... وفى الحالتين خطتك إنك تستورد منتج محدد من بلد محددة لازم هاتتغير يا هاتغير طريقة التعامل فى المنتج من استيراد لتصدير يا إما هايتغير المكان اللى بتستورد منه المنتج ... كده وضحت ؟

الخطوة الخامسة :

فرص نجاح المشروع

يتم توضيحها من خلال خطة العمل
هاتساعد فى تحسين فرص نجاح مشروعك .... ولا حضرتك نسيت إن التجارة فيها نسبة مخاطرة ؟

الخطوة السادسة :

اتخاذ القرار الصحيح

لتحديد ما اذا كنت ستكمل المشروع ام لا
هاتساعدك تفضل على الطريق الصحيح .... الكلام اللى هاقوله ده هايفهمه اللى عنده بيزنس قائم بالفعل خاصة ... لما بتفتح مشروعك بتبقى باصص لقدام ونفسك تكبر وربحك يزيد مانتاش عارف إزاى لكن قدامك هدف أو حلم ... وإنت شغال بتقابلك مشاكل بتطلع من حتت غريبة ومش معمول حسابها فى الغالب المشاكل دى بتحتاج إنك تاخد قرارات عشان تحلها ومن مشكلة لمشكلة وقرار ورا قرار تلاقى نفسك رحت فى سكة تانية خالص غير اللى كنت راسمها للمشروع بتاعك وبدل ما إنت كنت بتشتغل عشان تكبر بقيت بتشتغل عشان تحافظ على المشروع شغال ومايقفلش ويبقى هدفك إن مشروعك يغطى مصاريفه !!! الله؟ هو إنت كنت عامل مشروع و بتبذل فيه مجهود فوق طاقتك عشان ما يقفلش ويجيب مصاريفه بس ؟؟؟

الخطوة السابعة :

اعداد نظام حفظ السجلات

لابد من نظام حسابات لكل مشروع
لابد لآى مشروع من نظام حسابات حتى ولو بسيط جدًا يحتوى على الأقل على Balance Sheet اللى هو مركز مالى يبين إيه اللى ليك وإيه اللى عليك ( ممكن من خلال تعيين محاسب أو تولى المهمة لمكتب محاسبة ) .
لحد كده وهاقف عشان ما اتقلش عليكم بالمعلومات أو بالكلام فناس تتلخبط وناس تزهق ... البوست الجاى هاتجاوبوا معايا على السؤال ده:
هل فعلًا تريد أن تنشىء مشروعك الخاص ؟
خللوا بالكوا كل واحد هايعمل Self evaluation لنفسه وهايطلع المدير اللى جواه أثناء الاجابة على السؤال ده ... هاتتخض وتسألنى وتقولى .. مدير ؟
هاقوللك آه يا فندم هو مش إنت اللى هاتبقى صاحب المشروع ؟ إنت هاتجيب واحد يديرك كمان حتى وإنت صاحب المشروع ؟ إنت اخدت على التبعية و إن يكون ليك مدير وخلاص ولا إيه ؟ اصحى يا فندم حضرتك هاتبقى البيج بوس

الجزء الثانى

انواع خطط العمل

الخطوة الاولى :

خطة عمل كاملة Completed business plan

تستغرق شهرين لتكون جاهزة
ودى ممكن تأخذ شهر اثنين وأحيانًا 3 شهور عشان تطلع في صورتها النهائية .

الخطوة الثانية :

خطة عمل سريعة Quick business plan

يمكن ان تعد فى يوم واحد
ودى لو عندك الخبرة الكافية بالمشروع بتعاك تقدر تعملها في يوم واحد .

الخطوة الثالثة :

خطة عمل معدلة Customized Business plan

هذه نوع اخر من انواع خطط العمل
ودى بقى بتاعة الخلاصة ... يعنى ايه ؟ يعنى دي اللي بتركز فيها على الأجزاء اللي إنت قوى فيها بحيث تبين قد ايه إنت تعرف عن البيزنس بتعاك وقادر تديره بحيث اللي يقرا ال Business Plan بتاعتك يقدر امكانياتك وخبرتك ... مش بس كده لو كنت بتعرض خطتك دي على حد شريك أو ممول محتمل تقدر تقنعه يدخل معاك في البيزنس أو بمعنى آخر (تطمأنه على فلوسه واستثماره معاك ) وموضوع الخبرة والامكانيات ده سأفهمه لكم قدام شوية وهاخلى كل واحد منكم يعمل اختبارات تبين امكانياته وقدراته وأغلبكم ها يستغرب إزاى ما كانش عارف كده عن نفسه وازاى طول الوقت اللي فات ماستغلش مهاراته دي .

• أيا كان نوع خطة العمل فهي معمولة عشان تتعدل ماهياش قرآن يعنى ... عشان كده اسمها خطة يعنى توقع وتحليل وتفكير وتدبير ونجاح التنفيذ مرهون بتوفيق ربنا والمتابعة الجيدة للخطة .


الجزء الثالث

اهمية خطة العمل

الخطوة الاولى :

تحديد ما إذا كنت ستستثمر فى مشروع ام لا

23.jpg
ال Business plan ستهمك لو انت :

- عندك فكرة وعاوز تقنع المستثمر اللي بيدور على مشروع يدخل فيه إن مشروعك أو فكرتك هي الأنسب له واللي ستحقق له الربح اللي هو بيسعي له.

- البيزنس بتعاك يجنى أرباح كويسة ومانتاش شايف بكره ... بمعنى مانتاش عارف تكبره ازاى أو في إي اتجاه أو فجأة صابك الخوف من فقدان اللي وصلته لأنك ماعدتش عارف إيه الخطوة الجاية.

- عندك بيزنس قائم بالفعل ومحتاج ممول أو شريك عشان تكبر خاصة لو البيزنس بتاعك Stable .
معاك مبلغ وعاوز تستثمره في مشروع لكن مش لاقى حد يقنعك أو لو أقنعك بتحس إنه كله كلام معسول وممكن يكون يظهر لك المنافع ومخبى عليك المخاطر ... هنا بقى خطة العمل بتبين المكاسب والخسائر والمخاطرات المتوقعة وبأرقام كمان فبتشوف الصورة من فوق وده يسهل عليك إنك تحسبها وتأخذ قرارك وماتبقاش تائه ... مثلًا لما حد يعرض عليك مشروع تعبئة خل الى بيستخدم فى الطعام وتعرف إن طن الخل الخام لما يتخفف بالميه يعمل 21 طن خل جاهز للاستخدام يعنى هاجتني 20 ضعف اللي دفعته في المادة الخام طبعًا شيء مغرى لكن لما خطة العمل اللي بتضم معلومات عن المنتج تبين لك إن نسبة البكتيريا يجب ألا تتخطى نسبة معينة ده بيدق جرس في دماغك فتسأل وان تخطت ايه اللي ها يحصل ساعتها ؟؟؟ ممكن الاجابة هي اللي تحدد قرارك هل الضرر اللي هايقع على المشروع والمشاكل والقضايا والتعويضات بسبب خطأ قد يحدث يستأهل المخاطرة بمبلغ الاستثمار؟ وضحت كده؟ .

الخطوة الثانية :

أسباب فشل المشاريع الصغيرة والمتوسطة

يرجع إلى عدم وجود خطة عمل دقيقة

هل تعلم إن خارج مصر حوالى 35 ل 40 % من رواد الاعمال الذين يؤسسو مشاريع صغيرة أو متوسطة لا يعلمو الفلوس هاتدخل لهم إزاى ومنين يعنى بالبلدى بيفتح المشروع ويحط البضاعة وأهم من البضاعة الشيشة ورصة الحجر ( والله شوفت بعينى صاحب مصنع الشيشة أساسى فى مكتبة وممكن يستغنى عن السكرتيرة ولا يستغناش عن الشيشة ) ويقول يا مسهل ولو المشروع حصل له دروب وإحتاج فلوس مايبقاش عارف يجيبله منين ... تخيلوا عندنا فى مصر النسبه دى ممكن تكون كام ؟؟؟ أنا ما عنديش حتى تقدير للنسبة لكن أعتقد ومن واقع اللى شوفته إن المشاريع الصغيرة والمتوسطة كلها ماشية بالبركة وبكلمة يا رب ( للتأكيد ... الله الرزاق يرزق من حيث لا نحتسب بيده الخير وهو على كل شىء قدير) .. وربنا له حكمته ويتحكم فى موضع الرزق والكيفية اللى يوصل بيها الرزق يعنى تشتغل لحد ما يطلع عينك عشان تترقى ومرتبك يزيد وتكفى احتياجاتك إنت وبيتك وفى الآخر ربنا ما يرزقكش بفلوس ... لكن يرزقك بزوجه ذكية تمشيلك بيتك وتعيشك بمرتبك القليل ده وكمان تحوشلك منه ... وخليكم فاكرين بالاضافة للأمانة والتوكل على الله ف " التجارة " شطارة وذكاء وخبرة وفى العصر الحديث أصبحت علم يدرس كما إنها كذلك " كلية الشعب " ... وخليكم متابعين لأنه مازال هناك كثيرًا من الكوميديا لإمتاع حضراتكم أثناء مناقشتنا لل Business Plan مع عدم الإخلال بمحتوى موضوعنا الأساسى والى لقاء آخر إن شاء الله

معرفة بلا حدود مع عرفنى شكرا

عرفنى شكرا الفائز بمسابقة خطط الاعمال لاثراء المحتوى العربى "تفكر رقمياً ؟ ابتكر عربياً!" لعام 2014 ... المشروع محتضن بحاضنة الاعمال التابعة لمركز الابداع التكنولوجى و ريادة الاعمال TIEC باسيوط و مدعوم من هيئة الإسكوا

 StartIT Logo 100 logo tiec2-compressed  escwalogo